Al morí espeñáu en 1076 o rey de Pamplona Sancho Garcés IV, os pamploneses culporon de rempuxalo a su hirmano Ramón, y en lugá de él escogioron como rey a Sancho Ramírez, primo suyo, y achunttoton o reino de Pamplona ta o de Aragón, de o que in ixe tiempo no formaban parte ni Huesca ni Zaragoza. A unión con os pamploneses heba de durá 58 añadas, hasta a muerte de Alfonso I o Batalladó en 1134.
A l'otro año de recibí Pamplona, Sancho Ramírez concedió a Jaca o Fuero que la convertiba en capital de o reino y en sede episcopal, mandando devantá a catedral jaquesa. Ansó chunto con Berdún prefirioron quedá ligáus ta o Obispáu de Pamplona con o vecino Roncal, algo que se repetiría más ta deván.
As vals de Ansó y Roncal ya heban estáu chuntas más de un siglo dende a muerte de o conde Galindo II Aznárez en 922 hasta a muerte de Sancho o Mayó de Navarra en 1035, al habé emparentáu a filla de o conde con os reys pamploneses.
No hay comentarios:
Publicar un comentario