Sábado de noches: focos y fiesta. Pies que no pueden estase quedos con os sons de a Ronda Boltaña. Os garganchóns ansotanos fendo coro a os cantos de os sobrarbenses. Un concierto pa recordá.
Domingo de mañanas: sol y orgullo. Basquiñas, calzóns, cachirulos y saigüelos, plenando carreras, plazoletas y rincóns. Misa, jotas, alacay. Un día pa no olvidá.
O goyo de sentise ansotano.
650 años dimpués, en a loncheta a ilesia, a tradición viva que rememora o tratáu firmáu en Ansó en 1375 entre as vals de Roncal y Barétous con a mediación de meya docena ansotanos, comandáus por o alcalde Sancho García, y que poneba fin a muito larga disputa por os pastos de a búa, se ha reivindicau que pase a formá parte de o Patrimonio Cultural Inmaterial de a UNESCO.
O Tributo as Tres Vacas ye o tratáu de paz más viello de Europa manteníu hoy en día y, como bien ha dito a alcaldesa ansotana, a idea ye fé reconoxé o való histórico y humano de ixe costumbre que cada 13 de julio se celebra en a Peña San Martín, y que honra a memoria de a chen nuestra por habelo feito posible.
Fotos: Mariaje
Más ->
Algo bistá en a Torreta
que fa dispertá as miradas,
tornando en baile de luces
as imagens más calmadas.
Estampa invernal de a Mesa os Tres Reys, en do a ñeu parixe abrazá a estatua de San Francisco Javier, y a vista se pierde entre os infinitos picos cheláus...
Calma en o cobalto.
Zarran o camín un manto de ñeu y l'ausín cortante.
Paso a paso, cruxe a ñeu en a puyada.
A Mesa os Tres Reys se alza distante.
O Pirineo duerme, o corazón late. Os mons guardan silencio.
Plega l'alba y o sol tímido se asoma, pintando de oro a redolada.
O gigante de peña encoge l'alma.
¿Cuál será o secreto que oculta con tanto celo...?
¡Ye a paz de a Mesa, con su blanca mirada!
Imagens cedidas por Fernando y Jesús: Pirineos Wilderness