1919: Fotos de Eduardo Cativiela


Ista polida foto se clama "Pareja replegando grano", y está feita en as Eras con o Barranco Santiago dezaga:



Eduardo Cativiela Pérez naxó en Zaragoza l'año 1888, en do tamién murió l'año 1974. Yera fillo de Pedro Cativiela, ansotano de casa Galero, que rancó ta Zaragoza con 14 años pa treballá de empleaú en una tienda ropas, y en do acabó siendo l'amo os conoxíus almacéns Cativiela. Tornó enta Ansó, en do tiene dedicada una carrera, l'Avenida Pedro Cativiela, y compró casa Chanretó.

A Eduardo lo mandoron a estudiá enta Suiza y ta Alemania, en do se aficionó tanto enta fotografía que al torná fue uno os que fundoron a Sociedá Fotográfica de Zaragoza. Se guardan muitas fotos suyas de ixos años, como ye'l caso de ísta.

De su pai le veniba l'afición enta o Pirineo, sobre todo enta su queríu Ansó. A meyas entre os dos, pai y fillo replegoron  con goyo muitas jarcias en o lugá, en do antonces no se lis feba pon de causo. Con ellas montoron en 1924 "A Casa Ansotana" en o Museo a Plaza os Sitios, en do estió hasta 1952.

Ixo fue a simién de o Museo Etnológico o Parque, estrenáu en 1956, pa o que se fició una casa montañesa que con razón clamoron tamién "A Casa Ansotana".

O Cativiela fotógrafo nos ha dejáu estampas que parixen un puen enta o pasáu:



A temática ye muito variada:


Pero as que se me fan más polidas son as de as carreras, a plaza...:


As que mostran os treballos:




Os costumbres, como ista de as plañideras:


A procesión:


Tamién retrata os trajes de basquiña:


As redoladas de o lugá, como o puen de Veral:


O molino:




Y os mons ansotanos: Zucaca y as Canaletas de Ruzquía:


Zuriza y Linza:

Fotos que mostran o bien que se moveba por o mon:




No hay comentarios:

Publicar un comentario