Ezcaurri

Ezcaurri ye de os mons más nombráus por os ansotanos, no en vano a Punta Ezcaurri se veye de muitos laus:

A vista dende Zuriza ye una de as más retratadas de o Pirineo:

Otra cara firme bien conoxida ye a que se tiene dende o camino Zuriza y a Borda Abáu:

Ye un mon tendíu, como bien se veye dende Idoya:

Fa búa con Navarra. A punta da ta o láu ansotano, en o cobalto Veral, que ralla o mon y lo ubre en dos metás: ta un lau Ezcaurri, y ta l'otro Alano con a Espelunga. A vista cambea muito según se mire a foz dende Zaparreta u dende o Forato:

Ezcaurri siempre ha estáu rodiáu de muitos romances. O más conoxíu charra de un tesoro escondíu en un foráu u espelunga, que bien podeba sé ísta que se troba puyando:

A punta ye una pedreguera, en a que a chen ha yíu apilando montóns de losas de peña que li dan un aire como si se estiera en a Luna:

As vistas que bistá dende a punta son tremendas. Ta bajo, allá lejizos, se veye Ansó, y en días despejáus plega a viyese o Moncayo y Zaragoza.

Ta l'otro lau de Veral, Espelunga, Alano y Peña Forca:

Anié, a Mesa, Petrachema..., Chinebral, Quimboa, Chipeta...:

Ta arriba, Maz:

Punta Abizondo, o camping Zuriza:

Al bajá, te trobas de fren con Zuriza y o Pinaré, que semeja tené un corazón pintáu:

Pa rematá, o video que ficiemos a meyas con Javier fa unos años, en una de ixas escapadas enta o mon de os ansotano-barbastrenses: