Libro: Ansó. Historia una val pirenaica


Libro que cuenta a historia de Ansó rancando de a prehistoria y plegando ta día de hoy:





Fue o más vendíu en a feria que se montó o día o traje en a Plazuela Foriereta, en do fue presentáu por os autós. Treballo fondo y bien documentáu en alguno de os temas que replega, que dejan de está esperdigáus, o que ye muito de agradecé, al tiempo que traye ta luz otros de os que no sabébamos zarrapa. Me ha chocáu o que se cuenta de os herencios, y me ha feito goyo enterame de os intríngulis de o Concello.

Por otro láu, os autós esfenden en o libro que a villa de "Ensau", que Galindo Aznárez donó ta o Monasterio Siresa en 850, no yera otra que Ansó. En o tan controvertíu tema de esclarecé de dó viene o nombre mesmo de Ansó, no lis parixe pues que tienga relación con "Antxo", o nombre vasco de Sancho, como esfendeba muito convencíu Mosén Juan Aznárez, una eminencia en istos temas.

Pero en o mesmo libro Ansó amanixe nombráu bellas vegadas como "Ansso" u "Ansón".

Agarrase a que "de Orná enta arriba" tiene que sé a la fuerza Ansó, ye olvidase que tamién ta arriba de Orná, pero ta dreita, estaba na menos que "Etsau", caserío en fabla vasca, que denguno ha dudáu en que ye "Etxo", ixo ye, Echo u Hecho.

A custión ye pues si "Ensau" yera "Anssó" u "Etsau". Os dos nombres suenan parixíus.

A mi entendé, parixe muito más natural que Galindo donara "Etsau" ta os flaires de Ziresa, con o cerca que pillaba de o monasterio, en cuenta de "Anssó", allá lejizos y con menos plana, y que por otra parte yera na menos que a tierra de su pai, o Conde Azná, y suya propia.








No hay comentarios:

Publicar un comentario