1612: Chunta San Miguel (Puyeta)

 

O 29 septiembre de 1612 tenió lugá a Chunta San Miguel entre ansotanos y roncaleses, algo que veniba féndose dende antis más en a ermita Puyeta, patrona de Ansó, en o canto a muga Garde.

Lo sabemos porque l'año 2000 a Chunta a Val de Roncal se fició con unos documentos de os siglos XVI y XVII, a mayó parte relacionáus con o pleito de 1612 naxíu al no recibí ixe año os roncaleses as tres vacas que teneban que dales os de Baretous. Ixe año os alcaldes de Isaba, Urzainqui, Uztarroz y Garde acudioron en septiembre ta Chunta San Miguel, que celebraban cada año con os ansotanos en Puyeta, pa reclamales que ficieran de mediadós con os bearneses, igual que heban feito en a sentencia arbitral de 1375. 

Dinpués de ixo, o 4 octubre de 2008 a ermita Puyeta viviba un día histórico: roncaleses y ansotanos tornaban a chuntase de a mesma traza y con o mesmo espíritu que feban siglos ta zaga, rememorando o pasáu común y a hermandá que siempre ha auníu as dos vals.

Fuen: noticiasdenavarra (2012)