809: Azná I Galíndez, primé conde de Aragón


O ansotano Azná yera fillo de Galindo y ñeto de Gastón, que heban veníu de tierras francas, y bizñeto de o tamién franco Galindo...




Azná veniba de familia franca, pero el ya yera naxíu en Ansó, y teneba a casa en a plaza mayó de Ansó, en do sigue estando, y no ye otra que "Casa Azná". En 809, Azná prencipió o mandáu de Conde de Aragón sometíu ta Carlomagno, y fue conoxíu como Conde Azná, y luego como Azná I Galíndez, por sé fillo de Galindo.

Azná tenió una filla clamada Matrona y dos fillos, Céntulo y Galindo. Matrona se casó con García o Malo. En 814 moriba Carlomagno y Ludovico Pío heredaba o trono franco. García o Malo se las tenió con os cuñáus, mató a Céntulo y abandonó a Matrona pa torná casase con una filla de Íñigo Arista, rey de Pamplona.

Íñigo Arista y os Banu Qasi de Zaragoza se rebeloron contra os francos. En 820, o rey pamplonés mandó una tropa pa que García o Malo li furtara a Azná o Condáu, que pasaría a mandá él hasta 833. Azná tenió que ocultase en a Espelunga Zorna una rabera años.

Dimpués, Galindo Garcés, fillo de García o Malo y ñeto de Íñigo Arista, mandó o Condáu hasta morise en 844. Como no tenió fillos, ixo fue aprovecháu por Galindo, o fillo chico de Azná que heba sobrevivíu, pa recuperá o Condáu que heba fundáu su pai, y lo fició con o nombre de Galindo I Aznárez.


Fuens: Condes aragonesesde condáu ta reino, Aznárez.


No hay comentarios:

Publicar un comentario