L'año 828, en tiempos de o conde ansotano Azná y o rey franco Ludovico Pío, o abáu ansotano Atilio y o capellán carolingio Gondsalbo fundan o Monasterio Cillas, consagráu ta San Martín, en o que hoy ye a Pardina Cillas, en a esplanada o puen de Biniés...
San Martín fue patrón muito habitual en as fundacións carolingias, al habé síu un santo guerrero y evangelizadó, y simbolizá a Galia cristiana. Caíu o reino visigodo, os francos fundoron monasterios ta iste láu de os Pirineos pa asegurase de tené fiels controlando os pasos en a búa con Al-Ándalus, que sirvioron luego de simién pa os futuros reinos cristianos pirenaicos.
En a pardina Cillas, hoy no bistá ni señal de o que fue o monasterio...
De os monasterios de a redolada ta do plegó San Eulogio de Córdoba l'año 848, Cillas ye documentáu o más viello: un lustro por deván de o Monasterio Ziresa, que ye de l'año 833.
Ye utro dato más que apunta ta Val de Veral como una de as cunas de Aragón.
Más de dos siglos dimpués, l'año 1059, con o cometíu bien cumplíu, o rey Ramiro I lo cederá ta San Juan de a Peña, que será o que replegará toda a gloria de a reconquista aragonesa.
Fuen: Larrea, Lapeña, edulancetablog, aunamendi, casabareton, GEA
No hay comentarios:
Publicar un comentario