Dolmens de Aguatuerta y Lacherito


O primé rastro de a cultura ansotana lo trobamos miles de años ta zaga, en as peñas con as que os pariéns lejanos nuestros enterroron a chen suya. De ixa traza nos dejoron en herencio istos viellos tresoros que tienen pa nusotros más való que si hobieran síu de oro...




A riqueza megalítica de Ansó ye de alabá: Guarrinza, As Foyas, Lacherito y Aguatuerta en o cobalto o Subordán, y Linza en o cobalto Veral, chuntan una rabera monumentos con os que bistaría pro pa emplená un blog. De toda ixa montonada, os más destacáus y conoxíus son istos dos: 

1. O Dolmen de Aguatuerta

Ye uno de os más retratáus de Huesca, chunto con o de Tella, ixa maravilla de o Sobrarbe. O nuestro ye chicorrón pero se ha manteníu muito bien conserváu, y se troba en un paraje de ensoniación: a Val de Aguatuerta. Pasada a caseta, ta zurda según se en entra, bistá un caminé que puya un miqueta y luego baja, y va a pará enta él. En o estremo o Achá. 

 





Tamién en o Achá, pero asomáu enta Guarrinza, está o Dolmen de o Salto, que pasa más desapercibíu pa os no entendíus porque no se columbran en él más que a pedreguera de encima, o que se conoxe como túmulo, y que serviba pa podé devantá a losa de encima y tamién pa tapalo todo dimpués:


2. O Dolmen de Lacherito

En Lacherito bistá unos cuantos, pero o más destacáu ye iste que se troba en o camino que puya enta a foya, antis de plegá enta caseta.


En íste se veye o túmulo y as losas. Bien políu tamién.

Bistá muitos más fusals sagráus esparcíus por todo o terreno de Ansó, y os que queda por trobá. Yo mesmo, caminando un día con mi pai por o Sabucá, me trobéy con iste zaborro...


...que si ixo no ye un menhir, que vienga Obelix y lo diga...


No hay comentarios:

Publicar un comentario