Ansotano: prehistoria

Dolmens de Linza

En o Plano a Casa bistá dos dolmens. O más claro ye o nº 2, veito con o Salto o Caballo dezaga...

Y astí con o Paso l'Onso dezaga...

Astí o nº 1 con Linzola dezaga...

Aparixen señaláus en o mapa de a web megalithic, y tamién un túmulo...

Astí o nº 2 y dezaga o nº 1...

O estáu en o que se troban no ye güeno, con toda a chen que ha rondáu istos parajes.

Menhir de o Sabucá

Yo me lo trobéy caminando un día con mi pai por o Sabucá, pero según Alfonso Martínez ya lo heba descubierto Luis Millán en 1989:

Fuen: http://cromlechpirenaico.blogspot.com/2011/04/?m=1

Dolmen de o Barranco Lacherito

En a val de Lacherito bistá unos cuantos dolmens...

Íste se troba en o camino que puya ta foya, antis de plegá ta caseta...

A diferencia de o de Aguatuerta, en íste se veyen firme bien as losas...

Y dende alto o túmulo que lo rodea...

Fuens adicionáls:

Archivo pdf con muita información a cargo de Mª Teresa Andrés y Luis Millán disponible en a página vasca: http://www.euskal-herria.org/node/21457

https://m.megalithic.co.uk/article.php?sid=19574

https://es.wikiloc.com/rutas-senderismo/guarrinza-dolmen-ferrerias-sur-cromlech-chipeta-norte-cromlech-las-tascas-dolmen-ferrerias-norte-39181527

https://es.wikiloc.com/rutas-alpinismo/mallo-de-las-foyas-2123-m-ibon-de-acherito-dolmenes-acherito-y-ferrerias-2-52425514

https://www.flickr.com/photos/dalliu/with/48389160801/

Dolmen y Menhir de Escalé

O Dolmen de Escalé no ye tan políu como o de o Achá, pero tiene su interés por tratase de un domen de corredó...

Ista ye a vista más conoxida, con a loma de fondo...

Pero cambea muito con a Punta o Güerto dezaga...

O con a Sierra de Secús de fondo...

O con a Paquiza as Arrallas...

Os primés planos muestran que fa tiempo que está tumbáu...

O menhir ye a losa grande que se veye dezaga, tumbada, ta zurda...

Bistá por a zona utros dolmens y túmulos, pero de menó interés (viyé astí).

Pa más información de os megalitos ansotanos, mirá en: megalitismo.

Túmulo de o Salto

Por debajo de a pista que puya de Guarrinza ta Aguatuerta, o que por muito tiempo pasó por una simple pedreguera resulta sé o túmulo más grande de Aragón, con 15 metros de diámetro...

O túmulo de peñas serviba pa podé devantá a losa de encima, y tamién pa tapalo todo dimpués...

(dolmenia)

En metá o dolmen han crexíu agora unos felces...

Ye patente a enormidá de o mon ansotano con a Val de Guarrinza y dezaga as puntas de Zuriza, Gamueta, Linza...

Pa más información de os megalitos ansotanos, mirá en: megalitismo.

O primé rastro de a cultura ansotana lo trobamos miles de años ta zaga, en as peñas con as que os pariéns lejanos nuestros enterroron a chen suya. De ixa traza nos dejoron en herencio istos viellos tresoros que tienen pa nusotros más való que si hobieran síu de oro...

A riqueza megalítica de Ansó ye de alabá: Guarrinza, As Foyas, Lacherito y Aguatuerta en o cobalto o Subordán, y Linza en o cobalto Veral, chuntan una rabera monumentos con os que bistaría pro pa emplená un blog...