1970: O traje, documental de Foradada

O afamáu fotógrafo Alfonso Foradada replegó en video o acontecíu con o traje en lo menos un par de años: 1970 y 1971, según me parixe a mí...

Prencipia a grabación con una procesión que podió sé pa San Pedro, y que fa o recorríu típico, bajando cata ilesia por a Carrera Arrigo, y en do salgo yo con mi pai de a mano...

Consona con o que trayeba a revista Aragón Turístico, en do saliba anunciáu o concurso de balcóns y macetas, y os premios que iban a repartise o 21 junio 1970 en a fiesta homenaje ta o traje ansotano montada por Eduardo Cativiela y os Amigos de Ansó...

A fiesta debió sé de muita ensundia, por a cantidá de chen y autoridás que asisitioron. Luego viene a misa, en do leyen Mosén Ricardo y Mosén Dámaso, que lleva a casulla roya por o mártir San Pedro...

Van luego ta o cine, de do salen con diplomas, digo yo que por os premios. Paquita Blanquis de novia.

Dimpués bistá baile con a Banda, y parixe acabá todo.

Luego, o grupo de Belén, que lleva o pañuelo blanco, salen de Casa Garcés, bailan en o Rincón de Pastor y marchan cata o merendero...

Prencipia otro día de mañanas, con chen saliendo de Casa Chanca, os perros..., y o desfile en o balcón de Casa a Villa, en do no cruza a bandera de España, y luego bajan ta misa pasando por deván de Casa Alberro. Aquí, Belén lleva o pañuelo marrón. Ye otro día, que debe sé a fiesta de o traje feita por o Ayuntamiento, que será por a que prencipie a numerase.

En a misa de agora os que leyen van vestíus de calzón y basquiña, y Mosén Dámaso lleva a casulla blanca de fiesta

Migas y otra procesión, con José Mari Corruscos de novio, Mª Carmen de Fabián de Cofradía y Pedro Roncalés de anguarina. Puede sé pa San Pedro de 1971...

Otras migas. Cartel de bienvenida. Mozas. Fifarás de novio. Bandera larga de España. Juan José. Blanca de Cofradía.

Otra nueva misa en a que Mosén Dámaso lleva casulla verde, de domingo ordinario. Mª Carmen de Fabián lee de pañuelo. Tatán y Lurdes son os de a foto de 1971.

Puyan luego por a Carrera Mayó con una rondalla...

Grupos en Casa Cazo, Rincón de Orná y fin en a plaza con jotas...

Isto ye o que he podíu entresacá. Cualquié apunte ye bienveníu.