1914: Pascuala Cherón escribe a Sorolla

Pascuala Mendiara, a mullé ansotana más pintada y retratada, tamién sabeba escribí firme bien, como puede viyese en a letra con a que contestaba ta que Sorolla l'heba mandáu dinantes:

Pa Pascuala, como puede leése, tené que yí a segá pa replegá o fruto de a tierra teneba prioridá por deván de prestase a posá pa o artista valenciano. Ye digna de alabá a dignidá con a que l'ansotana fa gala de a condición suya de mullé treballadora.

Fuen: Museo Sorolla

1914: Ansó en fotos de Freudenthal

Así luciba o caserío ansotano fa un ciento de años:

Gustavo Freudenthal (naxíu en Hannover en 1869 y muerto en Zaragoza en 1948) ya heba acompañáu a Sorolla en agosto 1912, cuando o genio valenciano estió una semana replegando apuntes por as carreras y mons ansotanos, estando os dos hospedáus en a Fonda Aísa.

En julio 1914, Sorolla estío unos días en Jaca con a familia pa fé os lienzos de Aragón y Navarra, y allí aprovechoron pa fé en a catedral a boda de a filla suya María Clotilde con o pintó Francisco Pardo. Freudenthal, que en ixe tiempo treballaba en Heraldo, fició de reportero.

Pintó y fotógrafo tamién  estioron por Ansó, y de ixos días deben de sé as fotos.

Fuens: ceres, alonsorobisco, Heraldo de Soria.