Ansotano: chens

Mostrando entradas con la etiqueta chens. Mostrar todas las entradas

2022: Adiós a Antonio Angulo

O periodista ribagorzano Antonio Angulo, amigo de Ansó, nos ha dejáu. Siempre nos quedará pa recuerdo o documental que con tanto cariño nos dedicó...

En ista foto de 2009 coincidioron con él os periodistas de troncal ansotano Javier Gastón y María Añaños:

Ramón Borra Broto: Bodas, bautizos, comunións... O mejó fotógrafo de a Villa, como bien deciba o cartel, emplenó os álbuns de fotos de as casas ansotanas de recuerdos en blanco y negro, un arte casero que ye muito más valoráu cuando os retratáus, como él, ya nos han dejáu...

Como otros fotógrafos más afamáus, Ramón Borra tamién nos ha dejáu polidas estampas ansotanas, sobre todo de os años 60 o siglo pasáu...

Casa Garcés y Rincón de Pastor, Ansó, Ramón Borra

Casa Orná y Carrera Arrigo, Ansó, Ramón Borra

Y cómo no recordalo en a tienda, dezaga o mostradó... ¡Qué goyo aquellos tiempos de críos en Ansó, cuando te daban un duro o unas pesetas y a escape rancabas cá ta Casa Borra a por chicles, pipas, palotes u sidráls...

¡Allí nos aguardaba Ramón...!

2018: Adiós a Maruja Callaved

Hoy, 9 de enero de 2018, nos ha dejáu a ilustre ansotana Maruja Callaved.

Naxida en 1920, yera filla o jacetano Isidro Callaved y l'ansotana Juana Gastón, de Casa Bartola.

Fició o Bachillerato en o Instituto Jaca, Magisterio en Huesca y Filosofía y Letras en Zaragoza. Ejerció de profesora en o Liceo Francés de Barcelona. Al casase con Antonio Mejía, ya fallecíu, marchó enta Madrí, en do li surtió a vocación por o mundo a comunicación. Prencipió como locutora en a emisora A voz de Madrí, y dimpués li plegaría o paso triunfal por TVE...

Mullé pionera, gran profesional, y de trato afable, se ganó o favó de o público y o prestigio dezaga as cámaras, ubriendo o camino pa tantas otras que la han seguíu.

Ella siempre se enorgulleceba de os troncáls jacetanos y ansotanos que teneba. Hoy, Jaca y Ansó se sienten auníus en a satisfación de habé compartíu esta filla irrepetible.

Hasta siempre, Doña Maruja Callaved.

Fuens: elmundo, heraldo.

1984: José Aznárez en os zerrigueltaires

Tío Chorchis ye entrevistáu por os zerrigueltaires.

En o blog de os zerrigueltaires podemos trobá unos cuantos asuntos relacionáus con a cultura y as tradicións ansotanas, de muito való histórico. Os que fan o blog han dondiáu muito por ixas tierras de Aragón, y han conoxíu y tratáu muita chen, y ista vegada li plega o turno a José Aznárez, Tío Chorchis, qui lis pega una güena charradeta en ansotano:

Fuen: oszerrigueltaires (1), (2).

1982: Replega de vocabulario de Paco Puchó

Otro de os grans valedós de a fabla ansotana fue Paco Puchó. Paco querrió rechirá palabras ansotanas antis que podieran perdese por falta de uso.

As que replegó las caló chuntas y salioron en o numero 28 de Fuellas l'año 1982. No he podíu trobá más que unas fotocopias:

Un treballo que bien que vale a pena tené presén, por o rempuxón que arreó a os chovens de antonces pa queré conservá a fabla ansotana.

1929: Tío Techinero, cuadro de Rincón

O pintó Vicente Rincón Garrido (Fuentes de Ebro, 1892 - Barcelona, 1958), tenió Ansó como tema pa unos cuantos cuadros. En uno de 1929 pintó a Pascual Añaños, tío Techinero, mi bisagüelo:

Tamién lin fició uno a o Rincón de Orná:

Y otro a una mullé fendo filo:

Fuen: pintores, bva.

1914: Pascuala Cherón escribe a Sorolla

Pascuala Mendiara, a mullé ansotana más pintada y retratada, tamién sabeba escribí firme bien, como puede viyese en a letra con a que contestaba ta que Sorolla l'heba mandáu dinantes:

Pa Pascuala, como puede leése, tené que yí a segá pa replegá o fruto de a tierra teneba prioridá por deván de prestase a posá pa o artista valenciano. Ye digna de alabá a dignidá con a que l'ansotana fa gala de a condición suya de mullé treballadora.