1872: Más cuadros de Antigna

Uno de os cuadros más conoxíus de o pintó francés Antigna ye iste de os "Aragoneses de Ansó":

Fue o más valoráu de os de temática ansotana. Ya en 1870 heba feito un boceto, pero calaba a chen entro un solero:

Ye de destacá que uno de os mendigos toca o chiflo y o salterio, que yeran os instrumentos con os que se tocaba o alacay antis que plegara a jota.


En 1875 pinta "As dos voces", en do cala una moza ansotana en una casa noble:

Y en 1876 pinta "As mullés y o secreto", en do no faltan os pañuelos, os churros y as ferradas:

Fuen: Tesis de Juan Ignacio Bernués, art

1864: Antigna se inspira en Ansó

Uno de os primeros que descubrioron a cultura ansotana en o siglo XIX fue o pintó francés naxíu en Orleáns Alexandre Antigna. En 1864 pinta o cuadro "Una fuen en Ansó"...

Antigna heba feito un viaje enta Ansó y otras vals altoaragonesas en 1863, replegando muitos apuntes de os costumbres y os vestíus, sobre todo os de as mullés, y dimpués iría calándolos en muitas de as obras suyas que plegan hasta 1876:

Alexandre Antigna

Unas mozas alparciando dezaga as cortinas ye o argumento de "Tres chovens aragonesas" de 1866:

En 1867, una moceta de churros ye a que retrata en "Una sirvienta aragonesa":

De 1870 en istá unas cuantas. A vendedora fruta:

Busto de aragonesa:

Escena de descanso, seguramente feito en Puyeta:

Estudio de aragonesa:

Fuens: Tesis de Juan Ignacio Bernués, expertissim, thearttribune