1982: Fiestas con Estrellas Negras

De siempre, Ansó ha teníu pa fiestas as mejós orquestas, y pa espejo ixe año...

Ta Estrellas Negras heban yíu a pará musicos de otra gran orquesta bien conoxida por Ansó, a Torrente, de Alcampell, chunto con otros grans profesionáls de a redolada: Binaced, Monzón, Barbastro...

Plegoron a grabá algún disco, que puede escuitase en youtube. Por suerte, tamién podemos torná a escuitá o bien que sonaban en as verbenas de ixos años, gracias a que cuando actuoron pa os San Lorenzos de 1979 bistió qui los grabó y lo ha puyáu...

O manisero...

Aquellos güellos verdes

Sombras...

Cha cha chas...

Ray Conniff...

Jesucristo Superstar...

Patricia...

Presentación y Helen...

Musicos de una calidá que impresiona. Todo un lujo habelos podíu disfrutá en o lugá nuestro.


Fuens: orquestaestrellasnegras, youtube

1982: Semana Cultural y Traje

O domingo remataba una semana plena de actos. Foto de o desfile (gracias ta Esther!)...

Y un recorte de o diario que charra de un mocé vestíu gracias a o treballo de Josefina, de Jorge Puyó (que ixe año no charraba), y de as migas y a carne a la pastora de Linza con uno de os cocineros, Pascual...

A semana Cultural se ubriba con una película masíau rara pa muitos de os que fuemos a viyela, más acostumbráus ta as de aventuras, como a de o Poseidón o a de Un hombre clamáu Caballo, que hébamos gozáu en o cine de Ansó feba unos años, bien cofláus en ixos asientos tan mullíus que teneba...

Siguioron charlas, teatro, documentáls como o de Mirando enta o pasáu⏯, feito ixe año, musica con o grupo Goya, a rondalla y o coro, y folk con Hato de Foces...

1982: Ansó, mirando enta o pasáu

Programa especial feito por o Centro Regional de TVE en Aragón en 1982, y en do se cuentan a historia y as tradicións ansotanas.

O papel destacáu lo chugan as charradas de os tiempos de antis más que se arrean os zagueros cuatro viellos que portoron o traje ansotano, tan naturals como si denguno estiera escuitándolos:

Os cuatro son María Soro, tío Chorchis, tío Blanquis y tío Monreal:

    

 

Chunto con ellos, muitos grans y a mayó parte os chovens de antonces nos vistiemos y con goyo ficiemos de actós por un día pa Antonio Angulo, que yera qui dirigiba. Os ganáus, os puertos, as celebracións, os treballos... Bistá de todo:

 

Con musica de Gwendal, o programa ye un recuerdo imborrable pa toz nusotros. Se ficioron copias en DVD, pero alguna se ha perdíu, y al no trobase en a rete, me he decidíu a montá y puyá iste video, (¡muitas gracias a Inma por pasame os archivos!) pa que toz os ansotanos podamos de cuando en cuando itá un güello enta o nuestro pasáu.

1982: O traje en Andalán

Una monísima Esther luciba en a portada de a revista Andalán:

Entro, a revista traye un ensayo que trata de os trajes tradicionáls de Aragón feito por Antonio Beltrán, uno de os más entendedíus en o tema:

Fuen: bva

1982: Replega de vocabulario de Paco Puchó

Otro de os grans valedós de a fabla ansotana fue Paco Puchó. Paco querrió rechirá palabras ansotanas antis que podieran perdese por falta de uso.

As que replegó las caló chuntas y salioron en o numero 28 de Fuellas l'año 1982. No he podíu trobá más que unas fotocopias:

Un treballo que bien que vale a pena tené presén, por o rempuxón que arreó a os chovens de antonces pa queré conservá a fabla ansotana.