2007: L'aragonés ansotano, de Barcos

Libro que trata a fabla ansotana tal como se charra en Fago:

O libro ye parixíu ta o de Pilar Benítez de fa unos años, y traye un vocabulario ampliáu.

Una cosa que me choca ye que o autó desfiende a terminación en "i" pa a primera persona tamién en o futuro. Según ixo, tendría que decise "faréy..."...

No sé en Fago, pero en Ansó ye muito repetíu o romance:

Faré, faré...

una casa sin paré...

Fuen: garadedizions, issuu

2006: O Catón, primé libro en ansotano

Josefina y Pilar, con o apoyo de Alicia, Montse, Félix y Pedro Javier, calan a fabla en papel, fendo realidá una de as aspiracións de os que charramos y queremos l'ansotano:

Anque por deván de él se han publicáu otros treballos en ansotano, como Recuerdos de l'onso Chorche ya en 1989...

"O Catón, replegando as tradicións ansotanas" ye o primero que puede clamase libro charrando en propio, por a largura de o conteníu y por a traza en que ha síu rematáu, que ye de primera.

diariodelaltoaragon, aragondigital

En o libro fan un recorríu por os meses de l'año y os costumbres, así como por as recetas, ditos, merecinas y chuegos.

No cale otro que aplaudilos como se merexen.

2003: Diccionario de o dialecto ansotano

Pilar, Josefina, Alicia y Montse, continúan o treballo de Juan Francisco Aznárez, Rafael Andolz, Paco Puchó y Pilar Benítez, replegando as palabras ansotanas.

Fuen: pirineodigital

2001: En as carreras de o lugá

 

Archivo Audiovisual de l'Aragonés. Ansó. 6: En as carreras de o lugá:

2001: O peináu y o vestíu ansotano

 

Archivo Audiovisual de l'Aragonés. Ansó. 5: O peináu y o vestíu ansotano:

2001: Casa Mónica

 

Archivo Audiovisual de l'Aragonés. Ansó. 4: Casa Mónica:

2001: As mullés fablan chuntas

 

Archivo Audiovisual de l'Aragonés. Ansó. 3: As mullés fablan chuntas:

2001: Os treballos que se feban

 

Archivo Audiovisual de l'Aragonés. Ansó. 2: Os treballos que se feban:

2001: O Museo

 

Archivo Audiovisual de l'Aragonés. Ansó. 3: O Museo:

2001: As crabitetas

 

Archivo Audiovisual de l'Aragonés. Ansó. As crabitetas

2001: L'ansotano, de Pilar Benítez

Libro que replega a tesis en tocante ta fabla ansotana de a filóloga zaragozana Pilar Benítez.

Publicáu en 2001 y presentáu en o PIR 2002, yera o colofón ta os otros treballos menós que se heban yíu fendo, y que ella rechunta y da sentíu con o sabé fé de una esperta. Además, lo remata con un vocabulario pro útil.

No ye un libro pa aprendé a charrá ansotano pa qui no sepa zarrapa. Ye un treballo académico de do podrá rancá y ta do podrá acudí qui quiera acercase enta fabla nuestra. Yo lo tiengo leíu y releíu, subrayáu y anotáu.

Agora o libro puede descargase en pdf astí: L'ansotano⏯

Pilar no ha dejáu está a fabla ansotana, y ha publicáu más treballos:

En 2008: Textos inéditos en ansotano de Juan Francisco Aznárez⏯

Y o zaguero: L'aragonés de a Val de Ansó...⏯

Puede seguísela en su blog: Violeta.tres⏯

1996: Ansó = Sancho, de Mosén Juan Aznárez

A zaguera publicación de Mosén Juan de Chorchis:

En ella defende o que o título dice, que o término Ansó ye o vasco de Sancho.

Otro ansotano, Paco Puchó, defendeba que Ansó veniba de l'onso, y que a Val de Ansó yera a Val de l'onso, pero sin argumentá tanto como aquí fa Mosén Juan.

A fináls de ixe año, moriba o ilustre canónigo ansotano. Dimpués agún heban de salí ta luz alguno de os escritos que teneba feitos, gracias a o empeño de Pilar Benítez.

1990: Toponimia ansotana en a revista Fuellas

Una foto de Ansó ubre o numero 78 de a revista Fuellas, en do se nombra o primé libro escribíu en ansotano: Recuerdos de l'onso Chorche.

Ya entro, está o treballo Toponimia de Ansó, replega feita por Ana Cristina Vicén Pérez (Basteré) y Santiago Moncayola Suelves en tocante ta os nombres de as bordas, barrancos, fuens, espelungas, pacos, puens, mons y casas de Ansó.

Se entreveye que pa documentase han acudíu a qui conoxeba firme bien todo o relacionáu con Ansó. Un treballo tempranero muito digno, güena fuen pa os interesáus en o patrimonio ansotano.

Fuen: Fuellas 78, 1990.

1990: Bocabulario de l'ansotano

Treballo de Anacrís de Basteré:

Descarga astí: Bocabulario de l'Ansotano

1987: Fé versos en ansotano, de Aznárez

En 2008 Pilar Benítez publicó: Textos inéditos en ansotano de Juan Francisco Aznárez⏯.

O escribíu por Mosén Juan Aznárez en ansotano no heba síu publicáu hasta hoy. Benítez apunta ta fecha de 1987 pa o que querrió sé o primé libro en ansotano, de o que sólo nos han plegáu unas fuellas que replegan o empezallo un libro, unas jotas y un poema en o que se entrecalan unas coplas de a tradición ansotana:


Fé versos en ansotano 

Fé versos en ansotano ye más rápedo que o que parixe. 
Pa ixo fa falta charrálo bien, como os de antis. Pocas 
personas vistá en Ansó, de 50 años enta bajo, que lo 
fablen bien. De ixos años enta alto sí que lo saben 
charrar, porque lo aprendioron de críos de teta, cuando
 todos fablaban así en casa, en a carrera y en os chuegos. 
Alora yera corriente escuitar ansotano; agora ye más raro. 
Entonces os mocés de entonces solo oíbamos fablar en 
señorito a os curas en a trona y a os maestros en a escuela. 
Pero en cuanto salíbamos de a escuela o de a dotrina que 
explicaba senó Retor, tornábamos a fablar en ansotano. 
Y esto lo fébamos tanto os fillos de o lugar, os naxius en o 
lugar, como os de fuera, v. gr. os fillos de carabinés que 
aquí naxeban; u si naxeban en otro lugá en que veniban 
de chiquez y teneban que ajuntase […] y chugar con os 
de Ansó, que siempre yeran más. 

Si algunos chovens que lo saben y casi todos os viejos 
querrieran seguir fablando ansotano farían muyto bien y 
no se olvidaría. Pero a muytos no lis cabe en o tozuelo que 
ixo sea fablar bien, sino mal. Nos quedamos como 
entrecullius deban de os forastés que escuitan y, alguna vez, 
se arriguen. No ébamos de fer así, sino seguir fablando 
como os naturals de antis. Ye un fablar antiguo tanto como 
os vestius y o lugar. Y tiene muytas raíces y formas que 
vienen de griego y latín. Por ixo os chovens cultos que agora 
vienen y que estudian ixas lenguas rápedas, querrieran 
escuitar ansotano pa aprender sus palabras y a son que 
tienen. Ye chen de muyta fren, mesaches y mesachas amantes 
de as letras. Por ixo les faría muyto goyo saber charradas y 
romances ansotanos. Fablar de ixa traza no ye bajeza; antis 
más, se fa cultura. 

Querrieray escribir un libro en ansotano, en do se replegara. 

Puyando enta puerto se veyen muytas cosas: foces y achars, 
alanos y ezcaurras, peñas altas y […] a donde están los 
puertos se ven nuestras cosas: fauces y estrechos limítrofes […].


Yera pa meyos de enero 

Yera pa meyos de enero, pa S. Antón, vistaba muyta ñeu 
osinada y chelo por as carreras. Feba un rigó grande y en os 
rafes de os tellaus se heban feito unos candelons que parixeban 
chupons. Feba muyta guza, pero os hombres teneban que partir 
enta o paco a mirar unas ovellas que se les eban perdiu anitarde. 
Golvioron anitarde, sin trobarlas, cansos de foniar por a ñeu. Os 
críos de casa quereban fer Sanantón por as carreras tocando 
esquilas y cañons que guardaban en a glera de a sabaya. Pronto 
golverían chelaus y tartaritiando. Se metioron en o fogaril, en do 
pasarían toda tarde, metius en o mismo cabanar de o fuego. 
Unos se agarraban […].


Jotas ansotanas

Si a peña de Zelún 
fuera de tocino magro 
ya se la hubrían comiu 
os zaburranos de Fago.

Adiós paco Espelá, 
magetas eslenaderas, 
adios mocetas de Ansó, 
que me en voy enta Ribera.


Dice un mosen

Dice un mosen que ixos ditos yeran 
restos de palabras griegas 
fabladas en estos valles 
dende viellos tiempos y Eras.

A os montañeses cuaca 
despistásen de o treballar. 
Jorobar cazuelos plenos 
con sopas y alberitaca.

Chentan en o fogaril 
chunto de os caminals 
bullendo en o canaril 
a carne de os añals.

Comen carne bien rustida, 
clamada chicha-purna 
porque las [sic] asan en as purnas 
que antaño deciban pyrnas.

Con ixos y otros recaus 
que cullen en o lugá 
quedan refocilaus 
y sin ganas de chugar.

Por ixo se van ta cama 
cuando vienen d’os ganaus 
os amos y os pastós. 
Situándose en a cama, 
duermen como lirons, 
sin pensar en o suelo duro 
y sin tirarse os balons.

As mullés en o lugar 
encendeban o fuego 
por refocilar os hombres 
que plegarían luego.

Y alora ye que no viestaba 
pa o fuego que se feba 
otra leña que os tizons 
traius de Peñamelera.

Yeran quemaus bagueras 
de pino y de caxico, 
de abetes y buxacos, 
que encendeban guenas cheras.

Con a flama de ixas leñas 
y de otras maderas y leñas 
os chovens feban cheratas 
en as plazas y en as eras.

Y as mozas diz cantaban 
en corro de ixas fogueras 
unos ditos que deciban:

Xera, panchera, 
cocon y cocera.

Paco de Ezpelat ta riba, 
paco de Ezpelat ta baxo, 
o primero que se troba 
ye un tarranco de buxaco.

Xera, panchera, 
cocon y cocera.

Chunillas, canillas, 
garras de alambre, 
te cayo una peña, 
te fizió sangre.

Xera, panchera, 
cocon y cocera.

Adiós, paco de Espelá, 
polidas eslenaderas. 
Adiós, mocetas de Ansó, 
que me’n voy enta arribera.

Xera, panchera, 
cocon y cocera.

1987: Replega escritos ansotanos de Nagore

Francho Nagore replegó en iste libro os textos en ansotano, ayerbense y belsetán, de os que se teneba cuenta pa l'año 1987; un treballo de muito interés, como tantos de os que ha feito o filólogo maño...

O conteníu en ansotano ye muito cumplíu:

Prencipia citando os treballos que ya han tratáu de l'ansotano, y con unos versos...

Y luego, uno dezaga de otro, os treballos de a replega:

Anónimos unos, chen firme conoxida otros, toz querendo rempuxá una miqueta pa que l'ansotano no se perdiera.


Fuen: lenguasdearagon

1984: José Aznárez en os zerrigueltaires

Tío Chorchis ye entrevistáu por os zerrigueltaires.

En o blog de os zerrigueltaires podemos trobá unos cuantos asuntos relacionáus con a cultura y as tradicións ansotanas, de muito való histórico. Os que fan o blog han dondiáu muito por ixas tierras de Aragón, y han conoxíu y tratáu muita chen, y ista vegada li plega o turno a José Aznárez, Tío Chorchis, qui lis pega una güena charradeta en ansotano:

Fuen: oszerrigueltaires (1), (2).

1982: Replega de vocabulario de Paco Puchó

Otro de os grans valedós de a fabla ansotana fue Paco Puchó. Paco querrió rechirá palabras ansotanas antis que podieran perdese por falta de uso.

As que replegó las caló chuntas y salioron en o numero 28 de Fuellas l'año 1982. No he podíu trobá más que unas fotocopias:

Un treballo que bien que vale a pena tené presén, por o rempuxón que arreó a os chovens de antonces pa queré conservá a fabla ansotana.

1977: Diccionario aragonés, de Andolz

Ya va por a 5ª edición, que ye a que yo tiengo. Ye un gran treballo, al replegá as variáns de os diferéns lugás de Aragón, o que le da muita riqueza.

Feito por o cura y filólogo oscense Rafael Andolz Canela.

A gran utilidá ye podé buscá en castellano y trobá a tradución, cosa que no se ha feito en os diccionarios ansotanos, que solo trayen as entradas en ansotano:

1950: Repertorio ansotano de Alvar

En agosto l'año 1950, o filólogo Manuel Alvar estió una semana en Ansó replegando apuntes de como fablaba a chen, apoyáu por Jorge Puyó...

Astí podemos viyelo tal cual lo escribiba...

O treballo yera fondo, y veniba a rematá os feitos dinantes por Saroïhandy y Aznárez, y ha síu publicáu en os Archivos de Filología Aragonesa. Prencipia con unas nocións básicas de l'ansotano...

Dimpués viene o repertorio palabras propiamente dito:

Fuens: ifc, cervantesvirtual