2016: Navidá de estreno

Plega Navidá y se estrenan as lucetas en a plaza y a carrera mayó:

Frío y poca chen por as carreras. Ye tiempo de achuntase en familia y de desease o mejó.

Villancico: Vení os pastorez⏯
Villancico: Imos, imos pastorez⏯

¡Salú pa toz!

2016: Arte sonoro en Ansó, en Argensola

O magnífico artículo de Ana Isabel Serrano y Roberto Anadón, publicáu en a revista de o Instituto de Estudios Altoaragoneses, fa un recorríu por as principáls manifestacións musicáls que han teníu lugá en Ansó, abarcando l'órgano, a banda música, a charanga, o miramar, a rondalla y a coral. 

📖 Leé PDF: Arte sonoro en a Val de Ansó

Fuen: Argensola

2016: As Fiestas

En Ansó, celebramos o patrón nuestro, San Sebastián, o día San Mateo... ¡pa chulos, nusotros!

Y parixe que a muita chen li fa goyo. Denguno quiere perdese as mejós fiestas de a redolada...

Mientras os chovens trasnochadós están planchando a orella, o meidía de as fiestas ye un momento pa desfrutá con calma de a musica en a plaza, trobase con familia, amigos y conoxíus y, claro está, í a itá un vermú o dos, que pa ixo Ansó ye de os mejós lugás que bistá en tocante a tapas:

No conviene fartase muito en a chenta, que pa as cinco se fa a suelta as vacas y ye menisté está templáu:

Carrera mayó ta arriba y ta bajo, con parada en o rincón de Animetas...

Qui no haya estáu y haya sentíu o formigueo en as tripas, no podrá sacale chuco. Bistá qui prefiere a plaza porque bistá más terreno y escapatoria:

Chovens y viellos, hombres y mullés, ansotanos y foranos... En a plazuela Larrosa siempre bistá muito chuego:

Y pa rematá en a plaza as Eras. Aquí na más que pa os más entendíus:

Os bailóns tienen sesión de temprano y de noches:

Y a las tantas, a discomóvil y charanga, ta do ya no pleguéy...

Fotos: Elisa.

2016: Reportajes de o Día o Traje

Reportaje emitíu por a tele aragonesa:

En o Diario l'Alto Aragón:

2016: Os trajes en Misa

A misa con os trajes ye algo digno de viyese, pero resulta complicáu podé sacá fotos de traza por o chentío que suele metese. Fernando Fernández fició estas joyas l'año 2016:

As feitas dende o coro impactan... 

Fuen: campaners

2016: Día o Traje

Por muito que se haya dito y escribíu de o traje tradicional ansotano, nunca bistará pro. Cada añada, o zaguero domingo de agosto, Ansó saca con goyo enta carrera ixas reliquias de su pasáu que con tanto treballo y esmero ha sabíu mantené, tornándose un museo vivo de a cultura aragonesa. 

Siguiendo o programa, pa prencipiá o día de güena traza no bistá mejó manera que í almorzá unas güenas migas recién feitas enta o merendero a Fuen Alta, pa recuperase de o madrugón y aguantá hasta hora chentá:

O día acompaña y o coloríu clama l'atención:

¡Menudo ferrete bistá a ixas horas en o ropero!:

Ye menisté no perdese o tingláu que se monta en a plazoleta Chimena-Prisca, en do igual se calan os trajes y se emperifollan as mozas, que se fan migas u sopas, o se fa escuela pa os mocez:

No le va ta zaga o que se monta en o rincón de a ilesia:

Dondiando por as carreras, uno se va trobando con chen vestida, y yo me foy una pregunta: ¿ye que o traje favorece o ye que tos son ya tan políus dinantes de caláselo...?:

    

    

Va plegando a hora y a plaza se va emplenando:

Prencipia ya o desfile en a pasarela a plaza y en a balconada Casa a Villa. Lo ubre o traje cristianá:

Sigue o de periquillo. ¡Que chocante ye!:

O de crío de diario:

O saigüelo coloráu, o preferíu mío:

O calzón de fiesta de mozos y mocez:

A choven de fiesta:

Os de treballo:

O de saigüelo:

Novios de ilesia:

Bistá muita chen...:

Os padrinos:

Os novios de calle:

Cofradía:

Alcalde:

En tocante a os trajes, todo está bien esplicáu en o blog de Josefina.

Plega agora o turno de a jota de Ansó, bailada a monico y con fineza:

Os vestíus rancan agora de a plaza cata ilesia:

 

Video plegando ya ta ilesia:

Entro a ilesia, no podeba faltá o canto ta Virgen de Puyeta. Cada vegada que un ansotano lo siente cantá, tiene que fe muito esfuerzo pa que no le manen as glarimas...:

Y pa rematá, a tradicional foto al salí de misa, parixida ta aquella de antis más, pero con otra tongada de ansotanos:

Fotos: Elisa.