2019: Imagens de o verano cultural

Charlas, esposicións, teatro, foto, musica, cine, libros... y pa rematá, o Día o Traje. A cultura y l'arte ansotano tornan a relucí otro verano...

 

Ligazóns: heraldo, jacetaniaexpress, jacetaniaexpress2, cimanorte

2018: Día o Traje

O coloríu de os trajes fendo contraste con as casas y carreras ansotanas...

Una magia que tornó a enamorá a os que se acercoron enta uno os lugás más políus de España.

2017: Reportajes de o Día o Traje

En Telearagón:

En o Diario l'Alto Aragón:

En Heraldo:

2017: Día o Traje

O programa de iste año viene en una sola fuella, con a foto de tío Botero y una choveneta Blanca posáus en un banco.

Como l'año pasáu ya ficiéy o recorríu completo de o programa y no querébay repetime, he preferíu fé un día de o traje "alternativo", fuyendo de os chentíos, os discursos y os sermóns. Como feba caló, bistaba muita chen, y estábay algo canso, ixo me veniba mejó...

He pasáu de largo o rincón de Prisca y a plaza, y he prencipiáu o día en o rincón de a ilesia. Allí bistaba menos chen, y os "gorgocheros" atendeban a os foranos y a os de a tele.

Lo fan por amó a l'arte y de güena gana, y ixo se nota. Hoy Elena ha teníu un reconocimiento muito merexíu por su treballo.

A ilesia estaba queda, y he podíu fé fotos pa empleá en otro momento.

Algunos pillaban sitio de temprano...

Sin autos, os rincóns de Ansó ganan muito...

Luego me'n he tornáu enta o Rincón de Prisca. O chentío heba menguáu, pues toz se'n heban yíu enta plaza:

Quedaban, eso sí, os remenches de o treballo, aquí tamién por amó a l'arte:

Plegaba a hora de desfilá cata ilesia y querébay pillá sitio va viyé si podébay fé un video mejó que l'año pasáu, que me salió curtáu por metá. ¡Imos pues...!

Se veye claro que o desfile ye uno de os mejós momentos pa lucí y apreciá o coloríu de os trajes.

De a misa, he trobáu en a rete a Salve, por Regina Trigo y a Rondalla Ansotana:

Entremientras, en a carrera heba quedáu un retén de chovenalla...

Que ha servíu pa mantenenos algo entreteníus o rato largo que han tardáu en torná salí os de a ilesia:

O alacáy no he podíu viyelo, y o festival de de tardes ha estáu muito bien.

As fotos son mías, pero bistá otras muitas y güenas astí: jacetaniaexpress.

Y no puedo resistime a calá istas dos de Michel Renard:

¡Puro coloríu!

2016: Reportajes de o Día o Traje

Reportaje emitíu por a tele aragonesa:

En o Diario l'Alto Aragón:

2016: Os trajes en Misa

A misa con os trajes ye algo digno de viyese, pero resulta complicáu podé sacá fotos de traza por o chentío que suele metese. Fernando Fernández fició estas joyas l'año 2016:

As feitas dende o coro impactan... 

Fuen: campaners

2016: Día o Traje

Por muito que se haya dito y escribíu de o traje tradicional ansotano, nunca bistará pro. Cada añada, o zaguero domingo de agosto, Ansó saca con goyo enta carrera ixas reliquias de su pasáu que con tanto treballo y esmero ha sabíu mantené, tornándose un museo vivo de a cultura aragonesa. 

Siguiendo o programa, pa prencipiá o día de güena traza no bistá mejó manera que í almorzá unas güenas migas recién feitas enta o merendero a Fuen Alta, pa recuperase de o madrugón y aguantá hasta hora chentá:

O día acompaña y o coloríu clama l'atención:

¡Menudo ferrete bistá a ixas horas en o ropero!:

Ye menisté no perdese o tingláu que se monta en a plazoleta Chimena-Prisca, en do igual se calan os trajes y se emperifollan as mozas, que se fan migas u sopas, o se fa escuela pa os mocez:

No le va ta zaga o que se monta en o rincón de a ilesia:

Dondiando por as carreras, uno se va trobando con chen vestida, y yo me foy una pregunta: ¿ye que o traje favorece o ye que tos son ya tan políus dinantes de caláselo...?:

    

    

Va plegando a hora y a plaza se va emplenando:

Prencipia ya o desfile en a pasarela a plaza y en a balconada Casa a Villa. Lo ubre o traje cristianá:

Sigue o de periquillo. ¡Que chocante ye!:

O de crío de diario:

O saigüelo coloráu, o preferíu mío:

O calzón de fiesta de mozos y mocez:

A choven de fiesta:

Os de treballo:

O de saigüelo:

Novios de ilesia:

Bistá muita chen...:

Os padrinos:

Os novios de calle:

Cofradía:

Alcalde:

En tocante a os trajes, todo está bien esplicáu en o blog de Josefina.

Plega agora o turno de a jota de Ansó, bailada a monico y con fineza:

Os vestíus rancan agora de a plaza cata ilesia:

 

Video plegando ya ta ilesia:

Entro a ilesia, no podeba faltá o canto ta Virgen de Puyeta. Cada vegada que un ansotano lo siente cantá, tiene que fe muito esfuerzo pa que no le manen as glarimas...:

Y pa rematá, a tradicional foto al salí de misa, parixida ta aquella de antis más, pero con otra tongada de ansotanos:

Fotos: Elisa.