Nos aunimos ta os güenos deseos de Don Pedro pa a Navidá que prencipia...
Y l'año nuevo...
Y que os Reis Magos nos traigan muita salú.
Mostrando entradas con la etiqueta 2019. Mostrar todas las entradas
Mostrando entradas con la etiqueta 2019. Mostrar todas las entradas
2019: ¡Feliz Navidá y muita salú!
Nos aunimos ta os güenos deseos de Don Pedro pa a Navidá que prencipia...
2019: Chuntos contra l'onso
Como un mal sueño, l'onso ha tornáu a fé mal en Ansó y a redolada, y a chen ha tornáu a dá a cara...
Hoy, todo o Pirineo ha estáu auníu en Ansó, porque o presente y o futuro están en chuego...
Como en a protesta de fa 9 añadas⏯, os cañóns y as esquilas han queríu clamá l'atención de os políticos...
Porque en a naturaleza de l'onso está atacá, y qui los traye tiene que sabé que van a fé mal. Denguno con dos dedos de fren puede aguardá que a fiera no se'n pase de a raya...
¿Y qué gana a montaña con tené onsos eslovenos...? Inseguridá⏯, ruina y rabia. Por ixo, hoy, como ayé...
¡NO TA L'ONSO!
Fuens: pirinews, heraldo
2019: As Fiestas en Facebook
Otro año y otras fiestas que han tornáu a sé as mejós de a redolada. En parte por as vaquillas, con lances como iste de a plaza...
O con a emoción de o encierro por a Carrera Mayó...
Y en a plaza toros, en do os críos lo pasoron en grande...
A charanga Os Mozés estioron en todo...
No faltó o estrapalucio de a batucada y su ritmo bailón...
Os gigantes, os disfrázs...
As noches tornoron a sé locas, sobre todo a de o viernes...
Y os conciertos, más calmáus, tamién cumplioron...
¡Vamos, que os onsos recibioron güen tute...!
¡Y hasta l'año que viene...!
Fuens: videos sacáus de o facebook de Sebastián de Benarda⏯, y fotos de Casa Baretón, Marosa, Vivir, Cristina...
2019: Imagens de o verano cultural
Charlas, esposicións, teatro, foto, musica, cine, libros... y pa rematá, o Día o Traje. A cultura y l'arte ansotano tornan a relucí otro verano...
2019: A calzada O Palo ye un cuento
A calzada romana de o puerto O Palo aparixe citada en raberas de libros, mapas, webs, folletos y cartéls como una variante de o Camino Santiago que cruzaba o puerto de Somport...
Clama pues l'atención que de unos años ta zaga, vozs de entendíus hayan cuestionáu no solo a romanidá sino hasta a misma esistencia de a calzada romana, como ya hemos trataú astí:
Por otro láu, ni mi pai ni otros pastós ansotanos con os que he charráu la viyoron nunca, y de o que sí charran ye de os corronchos de peñas en As Foyas que parixen pobláus primitivos, y de o Foráu de Cristián, por do se cala l'agua o barranco...
Una calzada romana no ye una teoría, ye una obra de ingeniería de muita ensundia, un empedráu de lo menos un par de metros de ancho y bien cimentáu que, o está o no está. No caben meyas tintas...
Pa salí de dudas, no cale otro que fé a comprobación más básica: puyá ta O Palo, cosa que hemos feito con Javier...
O resultáu ye claro, y a conclusión ye a mesma que a de os dos treballos citáus y a de os pastós: en a puyada ta O Palo no bistá ni un palmo de calzada romana. Todo ye un cuento.
Ya al rancá en o cobajo, cerca o cuartel, recordábay de puyá ta Lacherito que o camino seguiba o barranco y o paso yera estreito. Ni rastro de a calzada...
Tras ganá altura, se gana un llano en do bistá postes que marcan o camino, tumbáus por suelo, y surten as vistas ta Guarrinza...
Hasta rodiá o Mallo Añarón por a dreita, o único que se viyeba yeran rastros de vacas, y bien se vale de os GPS's, porque si alguno va confiáu en seguí una calzada se llevará güen chasco. No ye o caso, no bistá ni un alma peregrina...
As vistas son tremendas. Estamos en metá de do se achuntaría a calzada que puyara con a que bajara, pero ni está una ni l'otra...
Ya bajo, no acierto a entendé o interés de algunos en mantené una falsedá como a de a calzada romana, que no ye más que una ocurrencia sin pies ni cabeza, por muito que se nos haya repetíu que allí estaba.
Y menos aún puedo entendé que os ansotanos, con todo o que de verdá tenemos pa viyé y disfrutá, les sigamos a corrién.
Suscribirse a:
Entradas (Atom)