2023: Navidá ansotana

 

Muita luz y ni señal de a ñeu...

A estrella de Belén parixe apuntá ta o cobalto a torrre... 

A misa o gallo, o pesebre deván de o altá...

¡Qué polida postal!

2023: Ansó, por IZQUIERDRON

 

Ansó sobrevoláu y recorríu por as carreras...

2023: Fiestas y sanmiguelada

 

Pleveba muito, pero os rezos ta o santo dioron resultáu, y o tiempo mejoró... 

Os disfrázs y a charanga animoron a toz os que estioron... 

As fiestas van quedando pa os chovens. Pa os que ya no estamos pa tanto estrapalucio, a sanmiguelada traye otras motivacións como dase un paseo por o mon y trobase con... 

Sí, os revichuelos, muito mejós que o reguetón, ta dó va pará... Claro que pa políus os fongos matamoscas (Amanita muscaria), que en Zuriza pueden contemplase en todas as fases de desarrollo, anque todas malas...

A vida ye un experimento de Dios...

2023: O traje y os chovens

Igual que Alicia luciba de lujo o traje en a foto de o programa, os chovens de hoy no han queríu quedase ta zaga y han plenáu de coló as carreras de a villa. O cambio de tiempo ha veníu hasta bien pa podé disfrutá de os trajes en os rincóns sin pasá muita caló...

Como cada año, Ansó tornó a deslumbrá... 

2023: Verano de arte y tradición

 

A Torreta ye viella ta fuera, pero ta entro o conteníu se renueva cada año con as aportacións de chen ya consagrada y otros artistas que vienen rempuxando...

Tradición y modernidá se dan a mano...

Cultura, religiosidá...

Arquitectura y paisaje...

Pa mí, en do esté a Torreta, que se tire o Guggenheim.

2023: Mons de Ansó en a película Irati

 

A meyo minuto de o trailer se veye un montaje de fondo feito con os mons de Ansó Petrachema, Sobarcal, Plana Diego, Gamueta, Anzotiello, Quimboa..., repetíus como en un espejo por a dreita.

Tenebay interés en viyé a película por tratá temas históricos como a contienda Roncesvalles, a vida os montañeses vascóns, a mitología pirenaica...

Hoy la he veito y me he lleváu un chasco. Prencipia como Gladiator, tiene cosas de o Señó de os anillos, o laberinto o Fauno, Harry Potter y Robin Hood, pero se queda a metá de todo...

La alaban muito, pero se me ha feito pesada, con un guion enrevesáu y unas actuacións bastante floxas. Tampoco as imagens de os mons me han clamáu muito l'atención: no se veye ni Anié ni a Mesa...

En fin, pa gustos...

2023: San José, día o pai

 

A vida eterna ye un libro que no acaba,

primavera que torna dezaga o frío.

A vida eterna ye a simién que brota

en o canto de o camino.

Sin fenos cargo, ya plega...

¡A vida eterna son os fillos!

2023: As yeguas de Antón

 

Diecisiete de enero, años cuarenta, 

celebra tío Antón o santo de a casa, 

y como o patrón de os animáls yera,

as yeguas bien pinchas saca de a cuadra.

Carrera Veral ta arriba se'n puyan,

ta o abrevadero en procesión, 

y pa fe notá que ye a fiesta suya

fan resoná os políus esquilóns.

¡Menudo orache!, parixen pensá,

aguardando ya que o invierno se pase,

pa con ovellas y abríos chuntase,

y toz chuntos ta Aguatuerta torná.

...

Hoy en día, os amigos de a Casa Rural Baretón han retratáu a sabé que bien a ñeu que ha trayíu San Antón...

Y cómo o costumbre de a cañonada no se ha perdíu aunque faya mal tiempo...

2023: Trenta añadas de a Ronda Boltaña

 

O grupo sobrarbense tan queríu por os ansotanos cumple trenta añadas rondando as carreras de toz os lugás de Aragón, con mayó fincapié en os más chicos, que han patiáu tocando y cantando movíus por o cariño ta o mundo rural y su chen...

De ista traza prencipia o doble disco con o que lo celebran, que puede escuitase astí y trobase astí, y pa o que han contáu con colaboracións de artistas tan consagráus como Amaral, Rozalén o Carmen París, pero que no por ixo ha perdíu a esencia de a Ronda...

Ventolera:

Palotiáu y batán de l'Ara y o viento:

Tacón y pun:

En Ansó queremos seguilos disfrutando: ¡Que duren firme!