Ansotano: 1996

Mostrando entradas con la etiqueta 1996. Mostrar todas las entradas

1996: Os trajes, por Eugenio Monesma

De o recién estrenáu canal de youtube de o gran etnógrafo oscense Eugenio Monesma, iste documental de l'año 1996 que trata de os trajes ansotanos:

Chovens ansotanos bien vestíus y presentáus por Alicia, Josefina...

Fuen: Eugenio Monesma

1996: Ansó = Sancho, de Mosén Juan Aznárez

A zaguera publicación de Mosén Juan de Chorchis:

En ella defende o que o título dice, que o término Ansó ye o vasco de Sancho.

Otro ansotano, Paco Puchó, defendeba que Ansó veniba de l'onso, y que a Val de Ansó yera a Val de l'onso, pero sin argumentá tanto como aquí fa Mosén Juan.

A fináls de ixe año, moriba o ilustre canónigo ansotano. Dimpués agún heban de salí ta luz alguno de os escritos que teneba feitos, gracias a o empeño de Pilar Benítez.

1996: Historia a Virgen de Puyeta

L'año 1996 Don Dámaso Lapetra querrió fenos conoxé a os ansotanos a ligazón de nuesa patrona a Virgen de Puyeta con a historia de a grandeza de Ansó:

Pa ixo mandó fé un folleto en o que, dimpués de os gozos, se contaba en o prólogo o que o cura Rafael Leante heba contáu en o libro de 1889, en o que daba cuenta de o que Alberto Faci tamién heba escribíu l'año 1737...

Leante prencipiaba citando a Faci charrando de o privilegiáu que heba síu siempre Ansó por os reys cristianos, y lo ligaba con o firme conoxíu documento de Chaime I de l'año 1272, en o que otorgaba una montonera mons a os ansotanos...

Pero luego torna ta zaga, y charra de a contienda con os moros en Jaca l'año 760, nada menos que cinco siglos ta zaga, y por a que se devantó a ermita Puyeta, un cacho de a historia ansotana de muita ensundia...