762: Os ansotanos fan naxé Aragón


O primé viernes de mayo se celebra en Jaca o triunfo contra os moros en a contienda que tenió lugá en o plano a Victoria, en o canto o río Gas, o 6 de mayo de l'año 762...




Bien puede decise que Aragón naxó ixe día. O romance cuenta como gracias a o való de as mulles jacetanas, que ficioron alucierná a os moros con calderos, perolas y sartanas, y a os montañeses de as vals de Ansó y Majones que bajoron y los rodioron, a contienda se ganó y a sangre os moros teñó roya l'agua o río Gas...

Pa conmemorá ixe triunfo, se devantoron tanto a ermita ansotana de Puyeta como a ermita jacetana de os Mocorones, hoy conoxida como de a Victoria...


       Virgen de Puyeta, Ansó                         Virgen de a Victoria, Jaca


Por muito tiempo, os historiadós li han dáu o mérito a o ansotano Conde Azná⏯, tanto que ye o que fegura en as representacións que se fan en Jaca y sale hasta en o timbre que lo rememora...



Pero por fuerza han teníu que trafulcase, porque as fechas no concordan ni por cartalejos, ya que o mainate ansotano no heba ni naxíu por ixos días...



Muito más sentíu tiene que qui mandara as tropas ansotanas fuera Gastón, güelo franco de o Conde Azná, y que o río que ixe día bajó royo por a sangre os moros tienga o nombre dedicáu enta él: o Río Gastón.

Plegáus ta iste punto, ye menisté pará cuenta de as fechas de as que charramos: a ermita ansotana de Puyeta ye de l'año 762, nada menos que 71 añadas más viella que o Monasterio Ziresa, que ye de l'año 833...


  Ermita Puyeta, año 762                  Monasterio Ziresa, año 833


Si 70 años dinantes que o Monasterio Ziresa se devantara, os cristianos de as vals de Ansó y Majones (en do entra Fago, claro está) ya guerriaban contra os moros y ganaban contiendas pa Aragón, no tiene muito sentíu desfendé que a cuna de Aragón estió dimpués en Ziresa...

Más ta poniente, en as vals de Veral y Majones, resguardáus por as fozs de Biniés y Fago y apoyáus por os francos, heban resistíu unas chens que no renuncioron ta fé y os dreitos que teneban, y sirvioron de troncal pa o Reino de Aragón: os ansotanos.


A historia saldrá ta luz mil años dimpúes de a mano de Alberto Faci...⏯


Fuens: BNEmarcopolito56identidadAznárezladarsenajacaescudomendikat


No hay comentarios:

Publicar un comentario