Ansotano

Linza, Linzola, linzuelo...

Algunos lingüistas vascos esfienden que os nombres de Linzola y Linza vienen de o vasco I(h)intza, o que vendría sé una tierra de chuncos...

En casa nunca nos ha convencíu ixa esplicación, y nusotros más bien pensamos que Linza y Linzola tienen o mismo troncal que linzuelo, y que podeban está relacionadas con a planta de o lino con que se texeban os trajes ansotanos.

Porque en Ansó se ha cultiváu o lino dende a época romana, y en muita cantidá en a Edá Meya.

En Ansó se feban de lino camisas, toallas, moqueros y linzuelos...

"Linzuelo", como en Ansó, u "lenzuelo", fueron palabras empliadas antis más en España pa referise a o que hoy clamamos "sábana", y que en Francia tamién se clamó “linceul”.

Claro que a toponimia ye un campo muito complicáu, y o troncal de os nombres de os lugás puede sé muito retorcíu, y no puede descartase de raso o troncal vasco. Pero ye menisté no dejase rempuxá por a moda de queré trobá origen vasco en tozs os topónimos ansotanos. Firme claro se veye en Petrachema, a Pétragème gabacha, que ye latina por muito que li quieran clavá una tx en metá pa fela vasca sin sélo.

Herbario de Jaca

Bosques de Ansó en Aragón TV

Zuriza, os abetes, o tributo as tres vacas, chovens que retornan, nuevos treballos en o lugá...

Aragón TV torna fijase en Ansó en o programa "O Bosque Encantáu":

¡Qué políu se veye Ansó dende alto con o dron!

Ansó, en do o tiempo se detenió

Recorríu figuráu por as carreras de Ansó, mostrando cómo a vida, a fe y as tradicións han aguantáu o paso de os siglos.

Feito por Gerard Gandis.

Pax avant

650 años dimpués, en a loncheta a ilesia, a tradición viva que rememora o tratáu firmáu en Ansó en 1375 entre as vals de Roncal y Barétous con a mediación de meya docena ansotanos, comandáus por o alcalde Sancho García, y que poneba fin a muito larga disputa por os pastos de a búa, se ha reivindicau que pase a formá parte de o Patrimonio Cultural Inmaterial de a UNESCO.

O Tributo as Tres Vacas ye o tratáu de paz más viello de Europa manteníu hoy en día y, como bien ha dito a alcaldesa ansotana, a idea ye fé reconoxé o való histórico y humano de ixe costumbre que cada 13 de julio se celebra en a Peña San Martín, y que honra a memoria de a chen nuestra por habelo feito posible.